“இன்னைக்கு சண்டே வேற எப்படியும் சைட்டுக்கும் போக மாட்டான் .
அப்புறம் எப்படி நம்ம பில்டிங் போயிட்டு தரவா செக் பண்றது .
நேத்து போனப்பயாச்சும் ஏதாச்சும் சொல்லி இருந்தா நிச்சயமா அந்த பில்டிங் ஓரளவுக்கு பார்த்துட்டு வந்து இருக்கலாம் .
ஆனா இப்போ போகவும் முடியாது .
நாளைக்கு போய் பாக்கலாம் னு பாத்தா கேஸ் மேல இடத்துல இருந்து ரொம்ப டார்ச்சர் பண்றாங்க .
கண்டுபிடிங்க கண்டுபிடிங்க னு மிஸ் ஆன பையனோட அப்பா அம்மா எங்க போயிருக்கான் எங்க போயிருக்கா னு ரொம்ப வேதனை படுறாங்க…..
இதுக்கு ஒரே வழி ஏதாவது சொல்லி சிவாவை இன்னைக்கு அந்த சைட்டுக்கு கூட்டிட்டு போறது மட்டும் தான் . அங்க போனா தான் நமக்கு தேவையான ஏதாச்சும் ஆதாரங்கள் கிடைக்கும் . அப்ப தான் இந்த கேஸ் ல அடுத்த மூவ் என்ன அப்படி னு நமக்கே தெரியும் …..” என்று தனக்குள்ளே நினைத்தவள் கிட்சன் சென்று காலை டிபனையும் அவளே ஜெயாவுடன் இணைந்து தயார் செய்தாள் .
அவன் லேட்டாக எழுந்து தன்னை சுத்தப்படுத்திக் கொண்டு கீழே வரவும் அவர்கள் டிபன் செய்து டைனிங் டேபிளில் அடக்கவும் சரியாக இருந்தது .
மூவரும் அமர்ந்து சாப்பிட்டபடியே பேசிக் கொண்டிருந்தனர் .
ஜெயா “கண்ணா மறு விருந்து னு நீங்க எங்கேயும் போகல அதுக்கு பதிலா இன்னைக்கு சண்டே தானே அவளை எங்கயாச்சும் வெளியில கூட்டிட்டு போயிட்டு வா…..
அம்மா எனக்கு இன்னைக்கு ஹெவி ஒர்க் இருக்கு ஆனா இன்னைக்கு சைட்டுக்கு போறேன் இன்னைக்கு போய் கொஞ்சம் வேலை இருக்காத முடிச்சிட்டு வந்துட்டேன்னா கொஞ்சம் ரிலாக்ஸ்டா இருக்கலாம் நான் வர ஈவினிங் ஆகும் என ஈவினிங் அவளை கெளம்பி இருக்க சொல்லுங்க கூட்டிட்டு போறேன்.
என்னப்பா எவ்ளோ பெரிய ப்ராஜெக்ட்டா இருந்தாலும் சண்டே எல்லாம் எப்பவுமே லீவ் விட்ருவே . ஏதோ நேற்று சைட்டுக்கு நீ போன நான் விட்டுட்டேன் .
இன்னைக்கும் போறேன் னு சொல்ற அதுவும் மேரேஜ் ஆகி ஒரு வாரம் கூட எங்கேயும் வெளியில அனுப்பவும் இல்ல .
அதுக்குள்ள நீ பாட்டுக்கு வேலை வேலைன்னு ஓடிடுற.
அம்மா உங்களுக்கே தெரியும் நான் இப்ப கட்டிட்டு இருக்க வீடு எம்எல்ஏ ஓட வீடு .
இன்னும் மூணு மாசத்துல ஃபுல்லா வேலையை முடிச்சு அவர் கிட்ட கொடுக்கிறேன் என்று நேற்று கால் பண்ணி சொல்லிட்டேன் .
என்னடா சொல்ற மூணு மாசத்துல எப்படி வேலை முடிக்க முடியும் .
இன்டீரியர் டிசைன் எல்லாம் நிறைய இருக்கு அது மட்டும் இல்லாம கதவு செய்யறதுக்கெல்லாம் மரம் வெளியில ஆர்டர் கொடுத்து இருக்கேன் .
வரத்துக்கு எப்படியும் மாதக்கணக்கில் ஆகும் அதுக்குள்ள டிசைன் எல்லாம் ரெடி பண்ணனும் அப்படி இப்படின்னு சொல்லிட்டு இருந்த ….
இப்ப மூணு மாசத்துக்குள்ள எப்படி வேலையை முடிப்ப ஏன் இவ்வளவு அவசர அவசரம் வேலைய முடிக்கிற அவர் ஏதாச்சும் சீக்கிரமா பண்ணி குடுங்க டார்ச்சர் பண்றாரா…?
இல்லம்மா அவர் எதுவும் சொல்லல .
நானும் இந்த ப்ராஜெக்ட் ஆரம்பிச்சு கிட்டத்தட்ட ஒன் இயர் ஆகப்போகுது ,
இது பெரிய வீடு என்றதுனால தான் இவ்வளவு நாள் எடுத்துக்கிட்டன் .
அதான் இப்ப மூணு மாசத்துக்குள்ள வேலையை முடிச்சு கொடுத்திடலாம் னு பார்க்கிறேன் .
அல்மோஸ்ட் வேலை முடிஞ்சுருச்சு இன்டீரியர் டிசைன் அந்த மாதிரி தானே . ஒர்க் பண்ணா முடிச்சிடலாம் …..
என்னமோ சொல்ற சரி மதியம் சாப்பாடு ஷர்வானி கிட்ட கொடுத்து விடுகிறேன் …. ” என்று கூறியவரின் பேச்சையும் அவனால் மறுக்க முடியவில்லை அவனும் ஒப்புக்கொண்டு கிளம்பி சென்று விட்டான் .
ஏற்கனவே எவ்வாறு அவனை சைட்டுக்கு அழைத்து செல்லலாம் என்று யோசித்துக் கொண்டிருந்தவளுக்கு அவனது பதில் சாதகமாகி போனது .
அதே நேரத்தில் ஜெயா கூறியதையும் கவனித்து தான் இருந்தாள் .
ஏன் இவன் இவ்வளவு சீக்கிரமாக வேலையை முடிக்க வேண்டும் என்ற எண்ணம் அவளுக்கு வந்து விட்டது .
அது மட்டும் இன்றி நேற்று சைட்டில் இருந்து சாப்பிட வரும்போது இருந்து அவன் முகம் சரியில்லை என்பதையும் அவள் கவனித்து வைத்திருந்தாள் .
ஏதோ ஒரு தீவிரமான சிந்தனை அவனுக்குள் ஓடிக் கொண்டிருக்கிறது என்பதை மட்டும் அவளால் யூகிக்க முடிந்தது .
அதற்கு தகுந்தவாறு சைட்டில் ஏதோ ஒரு விடயம் நடந்திருக்கிறது .
அதை மறைப்பதற்காகவே தனது சிந்தனை குதிரையை பலவாறு ஓடவிட்டு தற்பொழுது இந்த ப்ராஜெக்ட்டை அவசர அவசரமாக முடித்து கொடுக்க வேண்டும் என்ற முடிவிற்கு வந்திருக்கிறான் என்பது மட்டும் அவளுக்கு ஒரு வாறும் புரிந்து இருந்தது .
ஜெயாவிடம் ஏதாவது அவனை பற்றி பேசினால் தகவல் கிடைக்கும் என்று நினைத்தவள் நைசாக அவரிடம் பேசிக் கொடுக்க ஆரம்பித்தாள் .
” ஏன் மா அவர எப்பயும் ப்ராஜெக்ட் ஆரம்பிச்சா இது மாதிரி தான் வேக வேகமா பண்ணி கொடுப்பாரா…?
இல்லம்மா எப்பவுமே அவன் நல்லா டைம் எடுத்து பெஸ்ட் ஆ பண்ணி கொடுப்பான் .
ஆனா இந்த டைம் என்ன னு தெரியல எம்எல்ஏ கூட எதுவும் டார்ச்சர் எல்லாம் பண்றது இல்ல .
டைம் எடுத்துக்கிட்டாச்சும் நல்லா பண்ணி கொடுங்கன்னு சொன்னதுனால தான் ஒரு வருஷமா இந்த ப்ராஜெக்ட்டையும் பார்த்து பார்த்து பண்ணிக்கிட்டு இருக்கான் .
ஆனா இப்ப மூணு மாசத்துல வேலையை முடிக்கணும்னு சொல்றது தான் அக்செப்ட் பண்ணிக்க முடியாத ஒரு விஷயமா இருக்குது …..
இது ல அச்சர்ப் பண்றதுக்கு என்னமா இருக்கு அதான் அவரு சொல்றாருல அல்மோஸ்ட் வேலை முடிஞ்சுருச்சு. இன்னும் மூணு மாசத்துல கொடுத்துடுவேன் அப்படின்னு …..
இல்லமா நானே அந்த சைட்டுக்கு பல தடவை போய் இருக்கேன் இப்பதான் கட்டடம் எழும்பி இருக்குது இன்னும் ரூம்லாம் எதுவும் கட்டவில்லை இங்கே இத்தனை ரூம் வரும்னு பிக்ஸ் பண்ணி மட்டும் தான் வச்சிருக்காங்க இப்ப திடீர்னு வந்து மூணு மாசத்துல எல்லா வேலையும் முடிக்கணும்னா எப்படி முடிக்க முடியும்…?
என்னம்மா சொல்றீங்க ஒன் இயர் ஆ இந்த ப்ராஜெக்ட் பண்ணிக்கிட்டு இருக்காங்க னு சொல்றீங்க . இப்ப தான் ஏதோ கட்டிடம் எழும்பி இருக்குற மாதிரி சொல்றீங்க . அப்ப ஒரு வருஷமா என்னதான் பண்ணாங்க…..
அதான் சொல்றேன் .
எம்எல்ஏ இந்த ப்ராஜெக்ட் ஆரம்பிக்கிறப்ப பொறுமையா எவ்ளோ நாள் ஆனாலும் பரவால்ல நல்லா பண்ணி குடுங்க அப்படி னு சொல்லிட்டாரு .
அதனால தான் அவன் ஒரு ஆறு மாசமா இந்த வேலையை ஸ்டார்ட் பண்ணி வச்சிருக்கான் .
அதுக்கு முன்னாடி வேற வேற ப்ராஜெக்ட் வேலை தான் பார்த்துக்கிட்டு இருந்தான்…..
அப்படின்னா இன்னும் மூணு மாசத்துல வேலை முடிக்க முடியாது தானே?
எப்படி முடியும் கண்டிப்பா முடிக்க முடியாது .
எப்படி பார்த்தாலும் இன்னும் ஆறு மாசத்துக்கு மேல டைம் கிடைச்சா மட்டும் தான் அந்த வீட்டை ஃபுல்லா நம்மளால கட்டி கொடுக்க முடியும் .
என்னமோ அவசர அவசரமா எல்லாத்தையும் பண்றான் . எனக்கு ஒன்னும் புரியல நான் போய் மதியான சாப்பாடு ரெடி பண்றேன் …..”என்று கூறியவர் காளை மாத்திரையையும் எடுத்துக்கொண்டு சமையலறைக்குள் நுழைந்து கொண்டார் .
ஆக இதிலிருந்து அவளுக்கு உருவிடையும் மட்டும் தெளிவாக புரிந்தது .
அவனுக்கு, தான் தேடிக் கொண்டிருக்கும் கேஸ் விடயமாக ஏதோ ஒரு விடயம் கிடைத்திருக்கிறது .
அதன் மூலமாகவே பின்னாளில் எதுவும் பிரச்சனை வரக்கூடாது என்பதற்காக அவசரமாக இந்த வேலையை முடிக்க வேண்டும் என்று நினைக்கிறான் என்ற முடிவுக்கு வந்தாள் .
மதிய உணவு தயார் செய்யவும் அவர்கள் இருவரும் சாப்பிட்டவுடன் ஷர்வாணியே எடுத்து செல்வதாக கூறி சைடிற்கு சென்றாள் .
மகேஷ் “என்னடா லூசு மாதிரி இன்னைக்கும் வேலை அப்படி னு சொல்லிட்டு இங்க வந்திருக்க…. எப்படி நம்ம மட்டும் தான் இங்கே வர முடியும் . கொத்தனார் சித்தாள் எல்லாம் வரமாட்டானுங்க எக்ஸ்ட்ராவா சம்பளம் கொடுக்குறேன்னு சொன்னா கூட வாரத்துல ஒரு நாள் தான் லீவு கிடைக்குதுன்னு இப்ப எல்லாம் அவனுங்க கூட வர மாட்டாங்க….
நான் இங்க வேலை பார்க்கிறோம் அப்படின்னு சொல்லிட்டு வந்தாலும் இன்னைக்கு நமக்கு நேத்து கிடைத்த காப்பு மாதிரி வேற ஏதாவது ஆதாரம் கிடைக்குதான்னு பார்க்கிறதுக்காக தான் வந்தேன் ….
என்னடா சொல்லிட்டு இருக்க .
நமக்கு ஆதாரம் கிடைச்சு நம்ம என்ன பண்ண போறோம் னு சொல்லு ,
இந்த விஷயத்தை ஷர்வாணி கிட்ட சொல்லுனாலும் கேட்க மாட்டேங்கிற .
நம்மளே இத தலையில தூக்கி வெச்சிட்டு பெரிய பிரச்சனை ஆக்கப்போறோமோ னு எனக்கு பயமா இருக்குது .
அது மட்டும் இல்லாம இந்த ப்ராஜெக்ட் அவ்வளவு சீக்கிரத்தில் முடிக்க முடியாது .
இந்த விஷயத்தை போலீஸ் கிட்டயும் கொண்டுட்டு போக முடியாது .
அப்படி கொண்டுட்டு போயிட்டோம் னா கண்டிப்பா இந்த இடத்தை அவங்க லாக் பண்றதுக்கும் வாய்ப்பு இருக்குது .
இந்த விஷயத்தை அவ கிட்ட எடுத்துட்டு போறது லாம் எனக்கு சுத்தமா விருப்பம் இல்ல …..
முடிஞ்ச வரைக்கும் இந்த கேஸ் நம்மளே ஹேண்டில் பண்ணிப்போம் .
அவளாம் ஒரு ஆளு னு அவ கிட்ட இத பத்தி எல்லாம் என்னால கேட்டுகிட்டு இருக்க முடியாது .
அப்புறம் எதுக்கெடுத்தாலும் முறைச்சிக்கிட்டே இருப்பா …..
நீ என்ன லூசா .
நம்மளே இந்த விஷயத்த எப்படி ஹேண்டில் பண்ண முடியும் …?
இது என்ன கட்டிடம் கட்றதா நம்மளே ஹேண்டில் பண்ணிக்கிறதுக்கு ….
இங்கு ஏதோ பெரிய கிரைம் நடந்திருக்குது .
அத ஒரு டிடெக்டிவோ இல்ல போலீசாலையோ தான் கண்டுபிடிக்க முடியும் .
அதை விட்டுட்டு நம்மளால எப்படி கண்டுபிடிக்க முடியும்…..
நீ என்ன வேணா சொல்லு அவ கிட்ட எல்லாம் என்னால இதை பத்தி பேச முடியாது . அவள பாத்தாலே எனக்கு கடுப்பாகுது …….”
இருவரின் பேச்சையும் கேட்டவாறு மார்புக்கு குறுக்கே கைகட்டி அவர்களுக்கு பின்புறமாக நின்று கொண்டிருந்தாள் ஷர்வாணி .
