அத்தியாயம் 17
கிளினிக்கின் அந்தச் சிறிய அறையில் மரணத்தை வென்ற அமைதி நிலவியது. மருந்து வேலை செய்யத் தொடங்க, காயத்ரியின் முகத்தில் மீண்டும் உயிர் களை திரும்பியது. ஆனால், அவளுக்குப் பக்கத்து அறையில் டேவிட் மரணப் போராட்டம் நடத்திக் கொண்டிருந்தான். அவனது முதுகில் பாய்ந்த குண்டு அகற்றப்பட்டாலும், அவன் இழந்த ரத்தம் அவனது உடலை மிகவும் பலவீனமாக்கியிருந்தது.
காயத்ரி தள்ளாடியபடி எழுந்து டேவிட்டின் அறைக்குச் சென்றாள். அங்கே ரத்தக் கறை படிந்த துணிகளுக்கிடையே, வெளிறிய முகத்துடன் கிடந்த டேவிட்டைப் பார்த்ததும் அவளது இதயம் பிழிந்தது.”டேவிட்…” அவனது கையைப் பற்றித் தன் கன்னத்தோடு அணைத்துக் கொண்டாள்.மெல்லக் கண் விழித்த டேவிட், மங்கலான வெளிச்சத்தில் காயத்ரியைப் பார்த்தான். அவனது இதழ்களில் ஒரு பலவீனமான புன்னகை அரும்பியது.
“காயு… நீ இப்போ நல்லா இருக்கல்ல?””எதுக்கு டேவிட் இப்படிப் பண்ணீங்க? அந்த ஆண்டனி கிட்ட போய் மண்டியிட்டது மட்டும் இல்லாம, எல்லாத்தையும் அவன்கிட்ட கொடுத்துட்டீங்களே? இப்போ நாம அநாதையா நிக்குறோம்,” என்று அழுது கொண்டே கேட்டாள்.டேவிட் அவளது கண்ணீரைத் துடைத்தான். “சொத்து, அதிகாரம் எல்லாம் வெறும் குப்பை காயு. நீ இல்லன்னா எனக்கு இந்த உலகமே வேணாம். அவன் என் சாம்ராஜ்யத்தை எடுத்துக்கிட்டான்… ஆனா என் வீரத்தை அவனால எடுக்க முடியாது. நாம இப்போ அநாதை இல்ல, நாம இப்போ ‘சுதந்திரமான வேட்டைக்காரங்க’.”அப்போது சாரு உள்ளே வந்தான்.
அவனது உடையில் ஆங்காங்கே புட்சருடன் நடந்த சண்டையின் காயங்கள் இருந்தன. அவன் டேவிட்டை ஏறிட்டுப் பார்த்தான்.”டேவிட், நான் உன்னை இன்னும் முழுசா நம்பல. ஆனா அக்காவுக்காக நீ செஞ்ச இந்த தியாகம்… ஒரு போலீஸ்காரனா இல்லாம ஒரு மனுஷனா உன்னை மதிக்க வைக்குது. ஆனா இப்போ நிலைமை ரொம்ப மோசம். ஆண்டனி மெக்சிகோவோட அசைக்க முடியாத சக்தியா மாறிட்டான். போலீஸ், அரசாங்கம் எல்லாம் அவன் காலுக்கடியில இருக்கு,” என்றான் சாரு.
காயத்ரி நிமிர்ந்து உட்கார்ந்தாள். அவளது கண்களில் ஒரு புதிய நெருப்பு தெரிந்தது. “ஆண்டனிக்கு ஒரு விஷயம் தெரியாது. ஒரு கிரிமினல் மாஃபியாவை விட, ஒரு காயப்பட்ட டிடெக்டிவ் ரொம்ப ஆபத்தானவள். டேவிட்… நாம இப்போ ஒரு புது கூட்டணியை ஆரம்பிக்கப்போறோம்.””என்ன சொல்ல வர்ற காயு?””நாம மூணு பேரும் தான் அந்த கூட்டணி. டேவிட்டோட பலம், என்னோட அறிவு, சாருவோட சட்ட ரீதியான உதவி. நாம ஒரு நிழல் உலகப் படையை (Underground Unit) உருவாக்கப்போறோம். ஆண்டனியைப் பதவியில இருந்து இறக்க முடியாது, ஆனா அவனைப் பதவியில இருந்தே ஒழிக்க முடியும்,” என்றாள் காயத்ரி.டேவிட் உற்சாகமடைந்தான்.
“சரி… ஆனா அதுக்கு நமக்கு ஆயுதங்களும், ரகசியத் தகவல்களும் வேணுமே?””அதுக்கு ஒரு ஆள் இருக்கான்,” என்றான் டேவிட். “மெக்சிகோ சிறைக்குள்ள ஒருத்தன் இருக்கான். அவன் பேரு ‘சில்வா’. ரிகார்டோவால துரோகம் செய்யப்பட்டு உள்ளே தள்ளப்பட்ட பழைய ஹேக்கர். அவனை வெளிய கொண்டு வந்தா, ஆண்டனியோட ஒவ்வொரு ரகசியமும் நமக்குத் தெரியும்.”அதே நேரம், புதிய மாளிகையில் ஆண்டனி தனது வெற்றியைக் கொண்டாடினான். அவன் கையில் இருந்த ஒயின் கிளாஸை உயர்த்தி, “இன்னைக்கு டேவிட் மில்லர் ஒரு பிச்சைக்காரன்! இனி இந்த மெக்சிகோவை ஆளப்போறது இந்த ஆண்டனி தான்!” என்று கத்தினான்.
ஆனால் சிறையில் இருந்த ரிகார்டோவுக்கு ஒரு செய்தி வந்தது. “சார், டேவிட் மில்லர் குணமாயிட்டான். காயத்ரியும் நல்லா இருக்கா. அவங்க மூணு பேரும் சேர்ந்து ஏதோ ஒரு பெரிய திட்டத்துல இருக்காங்க.”ரிகார்டோ சிரித்தான். “ஆண்டனி ஒரு முட்டாள். டேவிட் உயிரோட இருக்கும் வரை அவன் நிம்மதியா இருக்க முடியாதுன்னு அவனுக்குத் தெரியல. சரி… அவங்க விளையாடட்டும். கிளைமாக்ஸ்ல நான் வெளிய வருவேன்.”என்று மிகவும் ஆணவத்தோடு சொல்லிக் கொண்டார் .
சட்டத்தின் கண்களில் விரலை விட்டு ஆட்டி எவ்வளவு கொடூரமான சாம்ராஜியத்தின் மன்னராக இருந்தும் சாதாரண ஒரு டிடெக்டிவ் கம்பெனியில் வேலை செய்து கொண்டு அனைத்து தகவல்களும் பெற்று இத்தனை தவறுகளை செய்த ரிகார்டோ நிச்சயம் தோல்விகளை சந்திப்பார் நம் டேவிட் சாரு கேஷ் காயத்ரியின் போராட்டத்தால்
______
காயத்ரியின் மூச்சுக்காற்று டேவிட்டின் கழுத்தில் சூடாகப் பட்டது. காயங்கள் ஆறிக்கொண்டிருந்தாலும், டேவிட்டின் உடல் இன்னும் முழு பலத்தைப் பெறவில்லை. ஆனால் அவனது கண்கள் மட்டும் வேட்டையாடும் வேங்கையைப் போல ஜொலித்தன.
கிளினிக்கின் சிறிய அறையில் நிலவிய அந்த அமைதியில், காயத்ரி மெல்ல டேவிட்டின் நெஞ்சில் சாய்ந்தாள்.”டேவிட், சில்வாவை சிறையிலிருந்து மீட்கிறது சாதாரண விஷயம் இல்லை. அது மெக்சிகோவின் அதிஉயர் பாதுகாப்பு கொண்ட சிறை. அங்கே நுழையுறது தற்கொலைக்குச் சமம்,” என்றாள் காயத்ரி.டேவிட் அவளது இடையைச் சுற்றித் தன் கையை வளைத்தான். “தற்கொலைன்னு தெரிஞ்சுதான் காயு நான் இவ்வளவு தூரம் வந்திருக்கேன். சில்வா கையில ரிகார்டோவோட சுவிஸ் பேங்க் பாஸ்வேர்ட் இருக்கு. அதை எடுத்தா ஆண்டனியோட பண பலத்தை ஒரே நிமிஷத்துல காலி பண்ணிடலாம். சொத்து போனாலும் பரவாயில்லை, ஆனா ஆண்டனியைப் பிச்சைக்காரனா மாத்தணும்.”
மறுநாள் விடியற்காலை.
சாரு ஒரு மெக்சிகன் போலீஸ் சீருடையில் தயாராக இருந்தான். அவனது ஐடி கார்டுகள் மற்றும் ஆவணங்களை காயத்ரி ஏற்கனவே ஹேக் செய்து மாற்றியிருந்தாள்.”அக்கா, நான் உள்ளே போய்டுவேன். ஆனா சில்வாவை வெளியே கூட்டிட்டு வர்றதுக்குள்ள நீங்களும் டேவிட்டும் பேக்-அப் ரெடியா இருக்கணும்,” என்றான் சாரு.காயத்ரி ஒரு கருப்பு நிற டைட் உடையில், கையில் நவீன லேப்டாப் மற்றும் ஜாமர்களுடன் தயாரானாள்.
டேவிட் தனது காயம்பட்ட தோளில் ஒரு கட்டுடன், கையில் இரண்டு சைலன்சர் பொருத்தப்பட்ட துப்பாக்கிகளை எடுத்துக்கொண்டான்.சிறைச் சாலைக்கு வெளியே ஒரு பழைய வேன் நின்றது. காயத்ரி தனது லேப்டாப்பில் சிறையின் சிசிடிவி கேமராக்களைச் செயலிழக்கச் செய்தாள்.
“சாரு… இப்போதான் நேரம். உள்ளே போ!”சாரு ஒரு கைதியைக் கைமாற்றம் செய்ய வந்த அதிகாரி போல உள்ளே நுழைந்தான். சிறையின் ஒவ்வொரு அடியிலும் மரணம் பதுங்கியிருந்தது. அவன் சில்வா இருந்த அறைக்குச் சென்றபோது, அங்கே சில்வா ஒரு மூலையில் ஒடுங்கிக் கிடந்தான்.”சில்வா, நான் டேவிட்டோட ஆளு. அமைதியா என் கூட வா,” என்று சாரு ரகசியமாகச் சொன்னான்.
ஆனால், தன்னுடைய எதிரிகளைப் பற்றி உச்சி முதல் பாதம் வரை கண்காணித்துக் கொண்டே வந்த ரிக்கார்டோ சில்வாவை சாருகேஷ் பார்க்க வருவதை மட்டும் கண்டுகொள்ளாமல் இருப்பாரா என்ன??தன் வேட்டையை ஆரம்பித்தார்..திடீரென்று சிறையின் அபாயச் சங்கு (Siren) ஒலிக்கத் தொடங்கியது. ரிகார்டோ சிறைக்குள் இருந்தபடியே அதிகாரிகளுக்குத் தகவல் கொடுத்திருந்தான்.
சாரு சிக்கிக்கொண்டான்.”டேவிட்! பிளான் சொதப்பிடுச்சு. சாரு உள்ளே மாட்டிக்கிட்டான்!” என்று காயத்ரி கத்தினாள்.டேவிட் துப்பாக்கியை உயர்த்தினான். “காயு, காரை ஸ்டார்ட் பண்ணு. நான் உள்ளே போறேன்!”டேவிட் சிறையின் மதில் சுவரைத் தாண்டி உள்ளே பாய்ந்தான். அவனது இலக்கு சாருவும் சில்வாவும் தான்.
சிறைக்காவலர்கள் சுடத் தொடங்க, டேவிட் பதிலுக்குச் சுழன்று சுழன்று சுட்டான். காயம்பட்ட புலி இன்னும் ஆக்ரோஷமாகத் தாக்கியது.புகை குண்டுகளை வீசி அந்த இடத்தையே இருளாக்கினான் டேவிட். அந்த இருட்டில் சாருவையும் சில்வாவையும் இழுத்துக்கொண்டு வெளியே வந்தான். ஆனால் ஒரு குண்டு டேவிட்டின் காலின் ஓரமாக உரசிக் கொண்டு சென்றது.அவர்கள் வேனை நோக்கி ஓடினர். காயத்ரி காரை மின்னல் வேகத்தில் ஓட்டி வந்து அவர்களை ஏற்றிக்கொண்டாள்.
பின்னால் போலீஸ் வாகனங்கள் துரத்தின.”டேவிட்! நீங்க காயப்பட்டிருக்கீங்க!” என்று காயத்ரி கத்தினாள்.”பரவாயில்லை காயு… சில்வா நம்மகிட்ட இருக்கான். ஆண்டனியோட அழிவு இன்னைக்கு ஆரம்பமாயிடுச்சு,” என்று மூச்சிரைக்கச் சொன்னான் டேவிட்.கார் ஒரு பாதுகாப்பான காட்டுப் பகுதியை அடைந்தது.
அங்கே சில்வா நடுங்கியபடி அமர்ந்திருந்தான். “டேவிட்… நீங்க என்னை எதுக்குக் காப்பாத்தினீங்கன்னு எனக்குத் தெரியும். ஆனா அந்த பாஸ்வேர்ட் என்கிட்ட இல்ல. அது ரிகார்டோவோட மகள் கிட்ட இருக்கு!”டேவிட்டும் காயத்ரியும் அதிர்ச்சியுடன் ஒருவரை ஒருவர் பார்த்துக்கொண்டனர்.
ரிகார்டோவுக்கு ஒரு மகள் இருப்பதே அவர்களுக்கு அப்போதுதான் தெரிந்தது.
